Qazaqstan men Ázerbaıjan yntymaqtastyq týraly 15 qujatqa qol qoıdy
ASTANA. KAZINFORM — Kelissóz qorytyndysy boıynsha prezıdentter Qazaqstan Respýblıkasy men Ázerbaıjan Respýblıkasynyń arasyndaǵy Strategııalyq seriktestik jáne odaqtastyq qatynastar týraly sharttyń qol qoıylǵanyna 20 jyl tolýyna oraı birlesken málimdeme qabyldady. Bul týraly Aqordanyń baspasóz qyzmeti habarlady.
Jalpy, Ázerbaıjan Prezıdentiniń Qazaqstanǵa memlekettik sapary aıasynda energetıka, kólik-logıstıka, tsıfrlandyrý, jasandy ıntellekt, ónerkásip qaýipsizdigi, densaýlyq saqtaý, statıstıka salalaryndaǵy jáne mádenı-gýmanıtarlyq baılanystar baǵytyndaǵy yntymaqtastyq jóninde 15 qujatqa qol qoıyldy.
Aıta ketelik Qasym-Jomart Toqaev pen Ilham Álıevtiń tóraǵalyǵymen Qazaqstan Respýblıkasy men Ázerbaıjan Respýblıkasynyń Joǵary memleketaralyq keńesiniń ekinshi otyrysy ótken edi.