Qazaqstan men Ázerbaıjan energetıka mınıstrleri OPEK+ kelisimin talqylady
NUR-SULTAN. QazAqparat - Búgin Saýda-ekonomıkalyq yntymaqtastyq jónindegi Qazaqstan-Ázerbaıjan úkimetaralyq komıssııasynyń daıyndyq máselelerin talqylaý úshin Energetıka mınıstri N.Noǵaev pen Ázirbaıjan Energetıka mınıstri P.Shahbazov beınekonferentsııa formatynda áńgimelesti, dep habarlaıdy QazAqparat tilshisi.
QR Energetıka mınıstrliginiń málimetinshe, koronavırýs indetine baılanysty taraptar úkimetaralyq komıssııany osy jylǵy qazan aıynda beınekonferentsııa formatynda ótkizýge kelisti.
Sonymen qatar, áńgime barysynda taraptar Qazaqstan men Ázirbaıjannyń OPEK+ aıasynda júrgizilip jatqan jumysyn talqylady.
Búgingi tańda OPEK+ kelisimine qatysýshylar qabyldaǵan sharalardyń arqasynda munaı baǵasynyń ózgerýi men suranys jáne usynys teńgerimin qalpyna keltirý boıynsha oń dınamıka baıqalady.
