Qazaqstan men Ázerbaıjan eksporttyq-ımporttyq taýarlar tizilimin keńeıtýge ýaǵdalasty
Bul týraly Ázerbaıjan Prezıdenti Ilham Álıevpen kelissózderden keıingi BAQ ókilderine arnalǵan brıfıngte Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«Jarty jyldan astam ýaqyt buryn Strategııalyq seriktestikti tereńdetý jáne odaqtastyq qarym-qatynasty keńeıtý jónindegi deklaratsııaǵa, 2022-2026 jyldarǵa arnalan yntymaqtastyqty damytý keshendi baǵdarlamasyna, sonymen qatar ózge de birqatar qujatqa qol qoıdyq. Qazir osy ýaǵdalastyqtyń barlyǵy ret-retimen ómirde júzege asyrylyp jatyr. Ekijaqty qarym-qatnyasty keshendi nyǵaıtýǵa qyzmet etýge baǵyttalǵan Joǵary memleketaralyq keńes qurý mańyzdy sheshimge aınaldy», - dedi Memleket basshysy.
Prezıdent Qazaqstan Ázerbaıjan saýda-ekonomıkalyq salada ózara tıimdi negizde yntymaqtasatyndyǵyn atap ótti.
«Biz ótken jyldyń qorytyndysynda elderimiz arasyndaǵy taýar aınalymy jarty mıllıard dollarǵa jýyqtaǵanyn qanaǵattanýshylyqpen atap óttik. Degenmen, saýda-ekonomıkalyq seriktestik áleýi áli túgesken joq. Biz eksporttyq-ımporttyq taýarlar tizilimin odan ary keńeıtý úshin pármendi is-sharalar qabyldaýǵa ýaǵdalastyq», - dedi Qasym-Jomart Toqaev.
