Qazaqstan men Ázerbaıjan beıbit atom salasyndaǵy yntymaqtastyqty nyǵaıtady

ASTANA. KAZINFORM — Atom energııasy jónindegi agenttiginde tóraǵa Almasadam Sátqalıev pen Ázerbaıjan Respýblıkasynyń Energetıka mınıstri Parvız Shahbazovtyń jumys kezdesýi ótti. 

Kezdesý konstrýktıvti ári iskerlik jaǵdaıda ótti.

Negizgi nazar atom ónerkásibi jáne ıadrolyq tehnologııalardy beıbit maqsatta paıdalaný salasyndaǵy yntymaqtastyqty damytýǵa aýdaryldy.

Taraptar myna máselelerdi qarastyrdy:

- atom salasyn retteý jáne qadaǵalaý tájirıbesimen almasý; 
- ıadrolyq jáne radıatsııalyq qaýipsizdikti qamtamasyz etý; 
- ekologııalyq monıtorıng pen radıoaktıvti materıaldardy basqarý; 
- mamandardy daıarlaý jáne biliktiligin arttyrý; 
- zamanaýı tehnologııalardy engizý jáne ártaraptandyrý perspektıvalary.

— Qazaqstan men Ázerbaıjan — baýyrlas elder. Bizdi tarıhı baılanystar men qaýipsiz ári beıbit atom energetıkasyn damytýǵa degen ortaq umtylys biriktiredi. Tájirıbe almasýdy jalǵastyryp, memleketterimiz ben óńirdiń ıgiligi úshin yntymaqtastyqty kúsheıtýge nıettimiz, — dedi Almasadam Sátqalıev.

Kezdesý qorytyndysynda taraptar áriptestik qatynastardy tereńdetýge múddelilik tanytyp, ózara yntymaqtastyqty nyǵaıtýǵa daıyn ekenderin rastady. 

Aıta ketelik MAGATE Abaı oblysynda AES salý ıdeıasyn maquldady.