Qazaqstan men Ázerbaıjan bas prokýratýralary memorandýmǵa qol qoıdy
ASTANA. KAZINFORM — Eki eldiń qadaǵalaý vedomstvolary arasynda Yntymaqtastyq týraly memorandýmǵa qol qoıyldy. Bul týraly Bas prokýratýranyń baspasóz qyzmeti habarlady.
Ázerbaıjan Respýblıkasynyń Prezıdenti Ilham Álıevtiń Qazaqstan Respýblıkasyna memlekettik sapary aıasynda Aqordada eki eldiń bas prokýratýralary arasynda Yntymaqtastyq týraly memorandýmǵa qol qoıyldy.
Qujat qylmyspen kúresý jáne zańsyz alynǵan aktıvterdi qaıtarý maqsatynda yntymaqtastyqty nyǵaıtýǵa baǵyttalǵan.
Prokýrorlar qadaǵalaý vedomstvolarynyń kásibı, saraptamalyq jáne aqparattyq áleýetin tıimdi paıdalanýdyń seriktestik tetikterin anyqtaýǵa nıetti.
Birlesken jobalardy júzege asyrý men tájirıbe almasýdy kózdeıtin memorandýmǵa qol qoıý memleketterdiń ekonomıkalyq múddelerin qorǵaýdy qamtamasyz etý jolyndaǵy mańyzdy qadam.
Aıta ketelik Qazaqstan men Ázerbaıjan yntymaqtastyq týraly 15 qujatqa qol qoıǵan edi.