Qazaqstan men Ázerbaıjan arasyndaǵy oıynnan ne kútemiz

ASTANA. KAZINFORM – Fýtboldan Qazaqstan quramasy bas bapkeriniń mindetin atqarýshy Rýslan Baltıev Vengrııanyń Sombatheı qalasynda Ázerbaıjanǵa qarsy ótetin joldastyq oıyn jaıly pikirimen bólisti.

Baltıevtiń aıtýynsha, qazaqstandyqtar ázerbaıjandyqtarmen birneshe ret oınaǵan. Sońǵy ret eki jyl buryn kezdeskeni belgili. Sondyqtan da, qarsylastan taısalmaıtynyn atap ótti.

«Ázerbaıjan quramasymen árqashan qyzyqty teketiresterge tap boldyq. Biz olarmen birneshe ret oınadyq jáne qarsylastyń jeńiske degen qushtarlyǵymen erekshelenetinin bilemiz. Artyqshylyq bizde de, olarda da boldy. Bul joly da solaı bolady dep oılaımyz. Bul eki qarsylas úshin de qıyn, biraq qyzyqty match bolady», - dedi Baltıev.

Esterińizge salsaq, buǵan deıin Qazaqstan jáne Ázerbaıjan quramalarynyń joldastyq kezdesýi qazaqstandyq qaı telearnadan kórsetiletin jazǵan edik.