Qazaqstan men Ázerbaıjan áleýmettik saqtandyrý salasynda yntymaqtastyqty kúsheıtedi
ASTANA. KAZINFORM- Memlekettik áleýmettik saqtandyrý qory basqarma tóraǵasynyń orynbasary Marat Jánibekov Qazaqstan men Ázerbaıjan arasynda memorandýmǵa qol qoıylǵanyn málim etti.
Onyń aıtýynsha, búgin Qazaqstannyń Memlekettik áleýmettik saqtandyrý qory men Ázerbaıjan Respýblıkasynyń Memlekettik áleýmettik qorǵaý qory arasynda yntymaqtastyq týraly memorandýmǵa resmı túrde qol qoıyldy.
- Atalǵan memorandým aıasynda taraptar ózara tájirıbe almasyp, áleýmettik saqtandyrý salasynda birlesken jumystar júrgizedi. Yntymaqtastyq ekijaqty formatta da, sondaı-aq halyqaralyq alańdar sheńberinde de júzege asyrylady, - dedi ol.
Spıkerdiń sózinshe, qujat Ázerbaıjan Respýblıkasynda Prezıdent ákimshiligi deńgeıinde kelisilgen. Al resmı qol qoıý rásimi Qazaqstanda ótken salalyq kórme aıasynda uıymdastyryldy.
Buǵan deıin Memlekettik áleýmettik saqtandyrý qoryna shekten tys salmaq túsirgen oblystar belgili bolǵanyn jazǵanbyz.
