Qazaqstan men Avstrııa arasynda ınvestıtsııalardy kótermeleýge baǵyttalǵan kelisim maquldandy - Májilis
ASTANA. 12 qyrkúıek. QazAqparat - Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń Úkimeti men Avstrııa Respýblıkasy Úkimeti arasyndaǵy
Investıtsııalardy kótermeleý jáne ózara qorǵaý týraly kelisimdi ratıfıkatsııalaý týraly» zań jobasy maquldandy.
Atalǵan kelisim 2010 jylǵy 12 qańtarda Venada jasalǵan. Kelisimge sáıkes árbir tarap ınvestıtsııalarǵa ádil ári teń quqyqtyq rejımdi, olardyń tolyq qorǵalýy men qaýipsiz bolýyn usynady. Sondaı-aq bir tarap ekinshi taraptyń ınvestorlaryna tıesili ınvestıtsııalardy basqarýǵa, paıdalanýǵa, qyzmet kórsetýge, qoldanýǵa, satýǵa jáne joıýǵa zańsyz nemese kemsitýshilikpen qarsy áreket etpeıtin bolady.
Zań jobasy boıynsha baıandama jasaǵan Indýstrııa jáne jańa tehnologııalar mınıstri Áset Isekeshevtiń aıtýynsha, qujat eki el arasyndaǵy saýda-ekonomıkalyq baılanystardy odan ári nyǵaıta túsedi.
«1995 jyldan beri Avstrııadan Qazaqstanǵa 2,5 mlrd. dollardan astam ınvestıtsııa tartylǵan»,-dedi mınıstr.
