Qazaqstan men Aýstrııa SІM basshylary telefon arqyly sóılesti
ASTANA. KAZINFORM — Aýstrııa tarapynyń bastamasymen Qazaqstan Respýblıkasy Premer-mınıstriniń orynbasary — Syrtqy ister mınıstri Murat Nurtileý Aýstrııa Respýblıkasynyń Eýropalyq jáne halyqaralyq ister federaldy mınıstri Beate Maınl-Raızıngermen telefon arqyly sóılesti. Bul týraly vedomstvonyń baspasóz qyzmeti málim etti.
Taraptar ekijaqty jáne kópjaqty kún tártibindegi máseleler boıynsha «saǵattaryn teńestirdi», sońdaı-aq ózekti óńirlik máseleler boıynsha pikir almasty.
Suhbattastar 2025 jylǵy sáýir aıynda Astanada ótken Qazaqstan-Aýstrııa úkimetaralyq komıssııa men Іskerlik keńes otyrystarynyń qorytyndylaryn qoldap, ózara tıimdi saýda-ekonomıkalyq yntymaqtastyqty odan ári keńeıtýge múddelilik bildirdi.
Mınıstrler birqatar máseleler boıynsha uqsas qózqarastaryn atap ótip, kópjaqty qurylymdar sheńberindegi, onyń ishinde BUU men EQYU alańdarynda syndarly dıalog pen ózara is‑qımyldy jalǵastyrýǵa ýaǵdalasty.
Eske sala keteıik, buǵan deıin Murat Nurtileý Cholpon-Atada Sadyr Japarovpen kezdesken edi.