Qazaqstan men Aýstralııanyń jasóspirim tennısshileri álem chempıonatynyń joldamasyn sarapqa salady
ASTANA. QazAqparat – Malaızııanyń Kýchıng qalasynda 14 jasqa deıingiler arasynda komandalyq álem chempıonaty Azııa – Tynyq muhıt aımaǵy boıynsha irikteý kezeńiniń fınalısteri anyqtaldy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Mádına Rahymnyń shákirtteri jartylaı fınalda Japonııa komandasyna ese jiberdi.
Eva Korysheva 3 saǵat 25 mınýtqa sozylǵan asa tartysty básekede qarsylasyna 2:6, 7:5, 6:7 (4:7) esebimen jol berdi. Ekinshi kezdesýde Erkejan Jańataeva da 2:6, 2:6 esebimen jeńilip qaldy. Buǵan qaramastan, Qazaqstan quramasynda álem chempıonatyna joldama alýǵa múmkindik bar. Ol úshin erteń úshinshi oryn úshin básekede Aýstralııa quramasyn jeńýi kerek.
Eske sala keteıik, budan buryn tennısten Qazaqstan jasóspirimderiniń irikteý kezeńiniń jartylaı fınalyna shyqqanyn jazǵan bolatynbyz.
Sondaı-aq qazaqstandyq tennısshiler juptyq synda Maıamı masters týrnırin jeńispen bastady.
Elena Rybakına Maıamı masters jarysynyń úshinshi aınalymyna ótti.
Elena Rybakına jeke rekordyna qol jetkizdi.
