Qazaqstan men Armenııa tótenshe jaǵdaıda bir-birine kómektesýge ýaǵdalasty
QR Іshki ister mınıstri Erlan Turǵymbaev Májilistiń jalpy otyrysynda «Qazaqstan men Armenııa Úkimetteri arasyndaǵy azamattyq qorǵanys, tótenshe jaǵdaılardyń aldyn alý men olardy joıýdaǵy yntymaqtastyq kelisimin ratıfıkatsııalaý týraly» zań jobasyn tanystyrdy.
Mınıstrdiń aıtýynsha, bul kelisim taraptardyń biriniń aýmaǵynda tótenshe jaǵdaı paıda bolǵanda kómek kórsetý boıynsha birlesken is-qımyldardy uıymdastyrady.
«Kelisimdi ratıfıkatsııalaý eń aldymen tótenshe jaǵdaıdy boljaý salasynda tájirıbe almasýǵa, qaýip tóngen jáne týyndaǵan jaǵdaıda halyqty daıyndaýǵa septigin tıgizedi. Ekinshiden, taraptardyń oqý oryndarynda azamattyq qorǵaý salasynda mamandardy oqytýǵa, úshinshi, taraptar aýmaǵynda bolǵan tótenshe jaǵdaılardy joıýda kómek kórsetýge múmkindik beredi.
QR Zańnamasy sheńberinde kelisimde kómek kórsetý men jedel áreket etý, qutqarý bólimsheleriniń shekarany jeńildetip kesip ótý jáne taraptar aýmaǵynda bolý sharttary bar. Tótenshe jaǵdaıdy joıýda qutqarý quraldaryn alyp kirý máselesi rettelgen.
Buǵan deıin mundaı kelisim Reseımen, Belarýs, Qyrǵyzstan, Ázerbaıjan, Tájikstan, Ýkraına, Grýzııa memleketterimen jasalǵan. Barlyǵy 17 ekijaqty, 13 kópjaqty kelisimder bar.
«Kelisim sheńberinde armıan tarabymen seısmıkalyq qaýipsizdikti, onyń ishinde jedel habarlaý men halyqty evakýatsııalaýdy arttyrý jóninde tájirıbe almasý qarastyrylǵan. Máselen, 1988 jyly Spıtak qalasynda jer silkingen soń, Armenııa Respýblıkasy ózderiniń zań júıesine birqatar ózgeris engizdi. Zań jobasynyń keri áseri joq jáne qosymsha qarjylaı shyǵyndy talap etpeıdi» - dedi Erlan Turǵymbaev.
Talqylaýǵa qatysqan 104 depýtat atalǵan zań jobasyn maquldady jáne qaýly qabyldady.
