Qazaqstan men Armenııa arasynda saıası konsýltatsııalar ótti

EREVAN. QazAqparat – Erevanda Qazaqstan men Armenııa syrtqysaıası vedomstvolarynyń ókilderi saıası konsýltatsııa ótkizdi, dep habarlaıdy QazAqparat QR Syrtqy ister mınıstrligine silteme jasap.

«Qazaqstan Respýblıkasy Syrtqy ister mınıstriniń orynbasary Ermuhambet Qonyspaev pen Armenııa Respýblıkasy Syrtqy ister mınıstriniń orynbasary Mnatsakan Safarıan ekijaqty yntymaqtastyqtyń, sondaı-aq halyqaralyq uıymdar sheńberindegi ózara is-qımyldyń ózekti máseleleri boıynsha saıası konsýltatsııalar ótkizdi.

Taraptar dostyq pen ózara qurmet rýhynda qazaqstan-armıan qarym-qatynastarynyń údemeli damýyn qanaǵattanýshylyqpen atap ótti. Keń aýqymdy máseleler boıynsha yntymaqtastyqty odan ári arttyrý úshin eleýli rezervter baryn aıtty. Osyǵan baılanysty naqty saýda-ekonomıkalyq jáne mádenı-gýmanıtarlyq jobalardy iske asyrý úshin qosymsha kúsh-jiger jumsaýǵa kelisti», - delingen málimette.

Foto: gov.kz