Qazaqstan men Anadolu Group jańa birlesken jobalardy júzege asyrady
ASTANA. KAZINFORM — Memleket basshysy Anadolu Group holdınginiń tóraǵasy Kamıl Sýleıman ıAzydjıdi qabyldady, dep habarlaıdy Aqordanyń baspasóz qyzmeti
Kezdesý barysynda ınvestıtsııalyq yntymaqtastyqty odan ári damytý jáne ekonomıkanyń túrli sektoryndaǵy birlesken jobalardy júzege asyrý máseleleri talqylandy.
Prezıdent holdıng quramyna enetin Efes Kazakhstan jáne Coca-Cola Almaty Bottlers kásiporyndary elimizde kóptegen jyldar boıy tabys taýyp, jumys oryndaryn qurýǵa, ınvestıtsııa tartýǵa jáne salyq túsimderin ulǵaıtýǵa úles qosyp kele jatqanyn atap ótti.
Kamıl Sýleıman ıAzydjı Memleket basshysyna kompanııalar tobynyń Qazaqstandaǵy jumys nátıjesi men jańa ınvestıtsııalyq bastamalardy qolǵa alý perspektıvasy jóninde málimet berdi. Atap aıtqanda, Anadolu Group 30 jylda 1 mıllıard dollarǵa jýyq ınvestıtsııa quıyp, 10 myńnan asa jumys ornyn ashqan. Kompanııanyń sýsyn óndirisi boıynsha 5 zaýyty bar, sondaı-aq Aqtóbe oblysynda 100 mıllıon dollar qarjy tartylǵan altynshy kásipornynyń qurylysy bastaldy.
— Qasym-Jomart Toqaev Qazaqstannyń ekonomıkany ártaraptandyrý, ónerkásipti jańǵyrtý jáne qosylǵan quny joǵary ónim óndirisin damytý boıynsha dáıekti jumys júrgizip kele jatqanyna toqtaldy. Osy oraıda Anadolu tobynyń Qazaqstandaǵy qyzmet aıasyn odan ári keńeıtýge, sonyń ishinde agroónerkásip keshenindegi eksportqa baǵdarlanǵan, sondaı-aq ınnovatsııalardy engizýge jáne ornyqty ekonomıkalyq ósimdi qamtamasyz etýge baǵyttalǵan basqa da salalardaǵy jobalardy iske asyrýǵa qyzyǵýshylyq tanytatyny jóninde aıtyldy, — delingen habarlamada.
Buǵan deıin Qasym-Jomart Toqaev Sheteldik ınvestorlar keńesiniń plenarlyq otyrysy alańynda AD Ports Group basqarýshy jáne bas atqarýshy dırektoryMuhammed Ál-Shamısımen kezdeskenin jazdyq.
