Qazaqstan men álem kınopremeralary: aptalyq sholý

Olardyń qatarynda otandyq rejısserlerdiń de, sheteldik kınematografısterdiń de jańa jobalary bar. Apta kınopremeralary týraly tolyǵyraq Kazinform tilshisiniń sholýynan oqı alasyzdar.

Júk kólikteri (Grýzovıchkı) 6.4⭐️

Janry: mýltfılm, otbasy
Uzaqtyǵy: 80 mınýt
El: Reseı, 2026
Rejısser: Dmıtrıı Grachev

Ómir boıy ata-anasymen birge karerde eńbek etip ósken jas júrgizýshi Sanıa bir kúni kezdeısoq qala turǵyndarymen — KamAZ aıdaýshysymen jáne kóshe sypyrýshymen tanysady. Bul jańa tanystyqtar oǵan karerden tys jatqan keń de ǵajaıyp álemdi tanytady. Alaıda kenetten taýda janartaý atqylap, úlken qaýip tónedi. Endi Sanıa dostarymen birge apatqa qarsy amal taýyp, kesh bolmaı turyp barlyq júk kólikterin birigýge kóndirýi tıis.

Prada kıgen ibilis 2 (Dıavol nosıt Prada 2) 8.2⭐️

Janry: drama
Uzaqtyǵy: 120 mınýt
El: AQSh, 2026
Rejısser: Devıd Frenkel

Fılm Mıranda Prıstlı men onyń burynǵy kómekshisi Emılı Charltonnyń baqtalastyǵy jaıly. Emılı qazir bastyq ári onyń básekelesi. Basylymdyq BAQ daǵdarysy kezinde olar jarnama tabysy úshin kúresýge májbúr, onyń ústine Mırandanyń zeınetkerlikke shyǵatyn ýaqyty da taıap keledi.

Gratsııa 7.7⭐️

Janry: drama
Uzaqtyǵy: 133 mınýt
El: Italııa, 2025
Rejısser: Paolo Sorrentıno

Italııa prezıdenti, ustamdy tsentrıst Marıano de Santıs, ókilettik merziminiń aıaqtalýyna jaqyndap, qurmetti zeınetke ketýge daıyndalyp júr. Onyń qyzy — advokat ári eń jaqyn keńesshisi — Rımniń katolık álemindegi erekshe ornyn eskere otyryp, asa daýly evtanazııa týraly zań jobasyn qaraýyna usynady. Osy sátte prezıdenttiń aldynda keshirim jasaýǵa qatysty eki ótinish qatar jatady: biri — Altsgeımer dertine shaldyqqan áıelin tunshyqtyrǵan qart er adamǵa, ekinshisi — ózine zorlyq kórsetken kúıeýin pyshaqtap óltirgen jas áıelge qatysty.

Qara 6.9⭐️

Janry: detektıv, drama, trıller
Uzaqtyǵy; 93 mınýt
El: Qazaqstan, 2026
Rejısser: Baýyrjan Syzdykov

Stýdent Shyńǵys beınebaqylaý kamerasyn satyp alyp, ony páterine ornatady. Kúndelikti tynysh tirshiligin baqylap otyrǵan sátte, onyń kózine shynaıy qylmystyń kórinisteri túsedi. Osydan keıin ol aýyr tańdaýdyń aldynda qalady: aralasyp, óz ómirin qaterge tigý me, álde syrttaı únsiz baqylap qala berý me. Sol sátte oǵan kútpegen jerden baılanys ortalyǵynyń qyzmetkeri — beıtanys adam kómektesýge umtylady.

Sıqyrlanǵan patshalyq (Zacharovannoe korolevstvo) 10⭐️

Janry: shytyrman oqıǵa, mýltfılm, qııal-ǵajaıyp, otbasy
Uzaqtyǵy: 93 mınýt
El: Ulybrıtanııa, AQSh, Úndistan, 2026
Rejısser: Leon Djýsen

Egizder ákesinen qalǵan tilekterdi oryndaı alatyn sıqyrly saǵatty taýyp alady. Rojdestvo qarsańynda ol olardy mıftik jaratylystar mekendeıtin Keıde jerine bastap barady. Bul ǵajaıyp álemde jyl mezgilderi bir kúnniń ishinde aýysady, al jumbaq tilekter jınaýshy balalardyń armandaryn júzege asyrýǵa kómektesedi.

Men úshin ómir súr 8.7⭐️

Janry: drama, komedııa
Uzaqtyǵy; 88 mınýt
El: Qazaqstan, 2026
Rejısser: Darhan Sarkenov

Balalar úıinde birge ósken Beken men Tımýrdyń ómiri bala kezde bolǵan bir oqıǵadan keıin múlde ózgerip ketedi. Beken tuıyqtalyp, aýylda jalǵyz ómir súredi, al Tımýr qalaǵa ketip, óz tirshiligin jasap júredi.
Beken qıyn kezeńge tap bolǵanda, Tımýr ony qalaǵa alyp keledi. Ol shyndyqty aıtpaı, dosyna ómirdiń jaqsy jaqtaryn kórsetip, adamdarmen aralasýǵa, ómirge qaıta beıimdelýge kómekteskisi keledi. Bul sapar ekeýine de ómir men dostyqtyń shyn máninde ne ekenin túsindiredi.

Meniń shyryshqa aınalyp qaıta týýym: fılm «Kók teńizdiń kóz jasy» (O moem pererojdenıı v slız: fılm «Slezy Sınego morıa») 8.5⭐️

Janry: anıme, atys-shabys, shytyrman oqıǵa, komedııa, mýltfılm, qııal-ǵajaıyp
Uzaqtyǵy: 104 mınýt
El: Japonııa, 2026
Rejısser: ıAsýhıto Kıkýtı

Rımýrý men onyń serikteri Aspan patshaıymy Elmesııanyń jeke kýrortyna shaqyrtý alady. Qysqa demalystyń rahatyn kórip jatqanda, olardyń aldynda ıÝra esimdi jumbaq áıel paıda bolady. Sheksiz kógildir teńiz aıasynda jańa oqıǵalar bastalady.

Ladoganyń perishteleri (Angely Ladogı) 8.2⭐️

Janry: drama, tarıh
Uzaqtyǵy; 110 mınýt
El: Reseı, 2026
Rejısser: Aleksandr Kott

1941 jyldyń qarashasy, eń qaharly qys endi bastaldy, Lenıngrad aınala qorshaýǵa alynǵan kez. Jas býershi-sportshylardan quralǵan top áli tolyq qatpaǵan juqa muzdyń ústine jolǵa shyǵady. Bastapqyda olardyń mindeti – oq-dári jetkizý edi. Biraq kútpegen jerden bul sapar ýaqytynda evakýatsııalanbaı qalǵan balalar úıiniń jetimderin qutqarý operatsııasyna aınalady. Kezinde keme jarysyndaǵy burynǵy qarsylastar endi kúsh biriktirip, basqalarǵa úmit syılap, ózderin aman alyp shyǵýlary tıis.

Kúzgi samal 7.8⭐️

Janry: drama
Uzaqtyǵy: 104 mınýt
El: Qazaqstan, 206
Rejısser: Adıl Mereke

Áıeli qaıtys bolǵannan keıin Asanov teńiz jaǵasynda jalǵyz ómir súretin qarııaǵa aınalady. Onyń kúnderi tynysh ári birqalypty ótedi. Jalǵyz áýestigi — túnde sýǵa túsý. Ol bul ádetinen qysylyp, jurt kózinen tasa bolýǵa tyrysyp, tek tún jamylyp shomylady.

Alaıda bir túnde onyń ómirin túbegeıli ózgertetin oqıǵa bolady: ol ózine qol jumsamaq bolǵan áıeldi qutqaryp qalady. Osy sátten bastap qarııanyń baıypty tirshiligi kútpegen oqıǵalar men tereń psıhologııalyq ózgeristerge tolady. Asanov úshin de, qutqarylǵan áıel úshin de ómir jańa mánge ıe bolyp, ózgeshe reńkke enedi — bul jolda mahabbat rýhanı tazarýdyń belgisine aınalady.

Ótken aptadaǵy kınopremeralar tizimin osy jerden kóre alasyzdar.
https://kaz.inform.kz/news/aptanin-kino-zhanaliktari-kanday-filmder-korermenge-zhol-tartti-d0b673/