Qazaqstan men álem kınopremeralary: aptadaǵy basty týyndylar
ASTANA. KAZINFORM — Bul aptada kınoteatrlar kórermenge túrli janrdaǵy jańa fılmderdi usynady. Qazaq komedııasynan bastap psıhologııalyq trıller, qorqynyshty fılmder men otbasylyq shytyrman oqıǵalarǵa deıingi týyndylar prokatqa shyqty.
HOTıA BY KINODA 4 6.9⭐️
Janry: komedııa
Uzaqtyǵy: 90 mınýt
El: Qazaqstan, 2026
Rejısser: Ernar Nurǵalıev
Túrmeden shyqqan Qaırat otbasynan aıyrylyp, balalarymen baılanysyn úzedi. Biraq oǵan bárin ózgertýge múmkindik beriledi. QUQK ony Vetnamda jasyrynǵan qylmystyq avtorıtet Abdandy Qazaqstanǵa jetkizý operatsııasyna jiberedi. Onyń seriktesi — kezinde ómirin oırandaǵan Janar. Operatsııaǵa súıiktisiniń ólimi úshin kek alǵysy keletin Erbol da qosylady.
Alaıda Vetnamda olardyń jeke maqsattary jospardy buza bastaıdy: Erbol operatsııany sátsizdikke ushyratsa, Janar aqsha úshin satqyndyqqa barady. Sheshýshi sátte Abdannyń áıeli aralasyp, oqıǵa kútpegen baǵytqa ózgeredi.
JYNDY (Psıh) 8.0⭐️
Janry: trıller
Uzaqtyǵy: 75 mınýt
El: Qyrǵyzstan, 2026
Rejısser: Belek Týrgýnov
Anasyn asyrap júrgen qarapaıym qyz Altynaı óziniń tynysh ómirin psıhıkasy turaqsyz stalker ańdyp júrgenin bilmeıdi. Bir sátte mazasyz mahabbat muqııat josparlanǵan adam urlyǵyna aınalady.
HOKÝM 6.5⭐️
Janry: qorqynyshty kıno
Uzaqtyǵy: 101 mınýt
El: Irlandııa, BAÁ, AQSh, 2026
Rejısser: Demıen Makkartı
Jazýshy Oým ata-anasynyń kúlin shashý úshin Irlandııadaǵy tynysh qonaqúıge keledi. Alaıda ol jerde qonaqúı qyzmetkeri Fıonanyń iz-túzsiz joǵalyp ketkenin biledi. Ony izdeý kezinde Oým «bal aıyna arnalǵan lıýks» dep atalatyn qulyptaýly bólme týraly estıdi. Jergilikti jurt ol bólmede sıqyrshy ómir súredi degen qaýeset aıtady.
MORTAL KOMBAT 2 8.6⭐️
Janry: atys-shabys, qııal-ǵajaıyp
Uzaqtyǵy: 116 mınýt
El: AQSh, 2026
Rejısser: Saımon Makkýoıd
Jer patshalyǵynyń chempıondary Djonnı Keıdjben birge Shao Kannyń qarańǵy bıligine qarsy shaıqasqa shyǵady.
FLAVIıA. JAS DETEKTIV 7.0⭐️
Janry: detektıv, shytyrman oqıǵa, komedııa, otbasy
Uzaqtyǵy: 92 mınýt
El: AQSh, Ulybrıtanııa, 2026
Rejısser: Bharat Nallýrı
Jas detektıv Flavııa de Lıýs eresekterdiń jasyrǵan qupııalaryn baıqap qoıatyn erekshe qabiletke ıe. Otbasynda kisi ólimi bolyp, onyń ákesi kúdikke ilingen kezde, Flavııa tergeýdi óz qolyna alady. Osylaısha ol jumbaqtardy ashyp, otbasynyń qupııalaryn bile bastaıdy.
SIQYRLY AǴAShQA ÓRLEÝ
Janry: shytyrman oqıǵa, qııal-ǵajaıyp, otbasy
Uzaqtyǵy: 110 mınýt
El: Ulybrıtanııa, 2026
Rejısser: Ben Gregor
Qaladan aýylǵa kóshken otbasy jańa ómirge beıimdelýge tyrysady. Bir kúni otbasynyń kenje balasy ormanda alyp aǵash taýyp alyp, onyń ushar basyndaǵy Sıqyrly Patshalyqqa tap bolady. Munda shokoladty úıler, tilekterdi oryndaıtyn ǵajaıyptar men ertegi keıipkerleri ómir súredi.
Alaıda otbasynyń úlken qyzy áleýmettik jelisiz ómirge shydaı almaı, qalaǵa oralýdy armandaıdy. Al ájesi ormandy joıýǵa daıyn bolady. Olardy tek naǵyz ǵajaıyp qana toqtata alady.
PINGVIN PORORO. TÁTTІLER ÁLEMІNDEGІ ShYTYRMAN OQIǴALAR
Janry: shytyrman oqıǵa, mýltfılm
Uzaqtyǵy: 67 mınýt
El: Ońtústik Koreıa, 2025
Rejısser: Chhon ıÝ-rım
Pororo pıngvıni men onyń dostary desertter patshalyǵyndaǵy táttiler baıqaýyna barady. Biraq aılaker zulym merekeni buzyp, bárin qara shokoladqa aınaldyrmaq bolady. Ertegiler álemin qutqarý úshin Pororo komandasy sıqyrly ıngredıentti Sweet Treat Castle ortalyǵyna jetkizýi tıis.
Ótken aptadaǵy kınopremeralar tizimin osy jerden kóre alasyzdar.
