Qazaqstan men AQSh-taǵy benzın baǵalary teńesip qaldy
ASTANA. 25 maýsym. QazAqparat - Qazaqstandaǵy benzın baǵasy AQSh-taǵy baǵa deńgeıine jetip qaldy. Bul aqparatty "InMaricopa.com" basylymyna silteme jasap Inosmikz resýrsy habarlap otyr.
Atalǵan basylymda Amerıkanyń birqatar shtatynda benzın baǵasynyń aıtarlyqtaı tómendegendigi jaıynda jazylǵan. Máselen, Ońtústik Karolınde bizdiń AI-92 markaly benzınge sáıkes keletin janarmaıdyń 1 gallony (3,78 lıtr) 3,05 dollarǵa satylýda. ıAǵnı 1 lıtri 0,82 dollar. Al almatylyq temir tulpar ıeleri 1 lıtr benzın úshin shamamen 0,76 dollar tóleıdi. Demek baǵa aıyrmashylyǵy nebári 8-aq teńge.
Bul rette aıta keterligi, qazaqstandyqtar men amerıkandyqtardyń tabystarynyń arasyndaǵy aıyrmashylyq óte úlken. Sonymen qatar AQSh tutynatyn munaıdyń basym bóligi elden tysqary jerlerden tasymaldansa, Qazaqstan óziniń ishki naryǵyna qajetti kólemnen de artyq shıkizat óndiredi.
Elimizdegi benzın baǵasyna qatysty óz pikirin bildirgen QR Ulttyq bankiniń tóraǵasy Grıgorıı Marchenko álemdegi munaı baǵasynyń tómendeýine baılanysty respýblıkada janarmaı quny túsýi kerektigin aıtqan edi. Al Munaı jáne gaz mınıstri Saýat Myńbaev bolsa taıaý aralyqta janar-jaǵarmaı baǵasynyń shekti baǵasyn qaıta qaraý kózdelmegendigin ashyq aıtyp otyr.
Esterińizge sala keteıik, elimizde munaı ónimderiniń bólshek saýdadaǵy shekti baǵasy osy jyldyń sáýirinde kóterilgen bolatyn. Dızel otyny 95, AI-80 - 91, AI-92 112 teńgege deıin qymbattaǵan bolatyn.
