Qazaqstan men AQSh sanktsııalyq saıasattyń janama áserlerin azaıtý máselesin talqylady
VAShINGTON. KAZINFORM — Búgin Vashıngton qalasynda Qazaqstan Respýblıkasynyń Energetıka mınıstri Erlan Aqkenjenov AQSh Qarjy mınıstrliginiń Sheteldik aktıvterdi baqylaý basqarmasynyń (Office of Foreign Assets Control, OFAC) dırektory Bredlı Smıtpen kezdesti. Bul týraly Energetıka mınıstrligi habarlady.
Kezdesý barysynda taraptar AQSh-tyń sanktsııalyq saıasatynyń Qazaqstan ekonomıkasyna yqpal etetin janama áserlerin azaıtý jáne qoldanystaǵy shekteýler jaǵdaıynda áriptestik ózara is-qımyldy tıimdi uıymdastyrý máselelerin talqylady.
Taraptar ózara qurmet pen senimge negizdelgen ashyq jáne pragmatıkalyq dıalogty jalǵastyrýǵa múddeli ekenderin atap ótip, keńesterdi turaqty ótkizýge ýaǵdalasty.
Aıta ketelik Qazaqstan men AQSh asa mańyzdy mıneraldar týraly memorandýmǵa qol qoıǵan edi.
Sonymen qatar Prezıdent AQSh Memlekettik hatshysy Mark Rýbıomen jáne Donald Tramp Ákimshiliginiń basqa da ókilderimen kezdesken edi.
Sondaı-aq Qasym-Jomart Toqaev sanaýly saǵattardan keıin Donald Tramppen kezdesetini týraly jazǵan edik.