Qazaqstan men AQSh sanktsııa saldaryn jeńildetý boıynsha kelissózder júrgizdi

NUR-SULTAN. QazAqparat - Qazaqstandaǵy AQSh Elshiliginiń qoldaýymen AQSh-tyń Reseıge qarsy sanktsııalarynyń Qazaqstan ekonomıkasyna teris áserin azaıtý úshin sanktsııalar máseleleri boıynsha qazaqstandyq-amerıkalyq onlaın konsýltatsııalary ótti.

Bul týraly QazAqparat QR Syrtqy ister mınıstrliginiń baspasóz qyzmetine silteme jasap habarlaıdy.

Qazaqstannyń atynan konsýltatsııalarǵa saýda-ekonomıkalyq, qarjy, kólik, qorǵanys, energetıka jáne aeroǵarysh salalaryna jaýapty múddeli memlekettik organdardyń, sondaı-aq ulttyq kompanııalardyń ókilderi (80-ge jýyq qatysýshy) qatysty.

Amerıkalyq tarap AQSh-tyń Reseıge qarsy jaqynda engizilgen sanktsııalary týraly jáne saýda-ekonomıkalyq, bank-qarjy jáne energetıka salalaryndaǵy jańa sanktsııalar shekteýleriniń erekshelikteri týraly habardar etti. Qazaqstandyq qatysýshylarǵa sanktsııalar rejımi jaǵdaıynda seriktestermen yntymaqtastyqtyń túrli baǵyttary boıynsha túsiniktemeler berildi.

Kezdesý qorytyndysy boıynsha taraptar Qazaqstan ekonomıkasy úshin AQSh-tyń sanktsııalyq saıasatynyń boljanbaǵan saldarlaryn boldyrmaý úshin konsýltatsııalardy jalǵastyrýǵa kelisti.