Qazaqstan men AQSh G20 sammıti aldyndaǵy daıyndyqty talqylady
ASTANA. KAZINFORM — Qazaqstan Respýblıkasynyń Syrtqy ister mınıstri Ermek Kósherbaevtyń AQSh Memlekettik hatshysy Marko Rýbıomen telefon arqyly sóılesýi ótti.
SІM-niń málimetinshe taraptar keńeıtilgen strategııalyq seriktestik sheńberindegi ekijaqty kún tártibiniń ózekti máselelerin, sondaı-aq Memleket basshysynyń G20 sammıtine qatysýyna oraı AQSh-qa aldaǵy saparyna daıyndyq barysyn talqylady.
Suhbat barysynda Kaspıı qubyr konsortsıýmyna (KQK) qatysty jaǵdaı da egjeı-tegjeıli talqylandy.
Aıta ketelik AQSh prezıdenti Qasym-Jomart Toqaevty Maıamıde ótetin G20 sammıtine shaqyrǵan edi.
