Qazaqstan men AQSh energetıkalyq qaýipsizdik salasyndaǵy yntymaqtastyqty talqylady

VAShINGTON. QazAqparat – Qazaqstan Respýblıkasy Prezıdentiniń halyqaralyq seriktestik boıynsha arnaýly ókili Erjan Qazyhan Vashıngtonda ulttyq qaýipsizdik boıynsha keńesshi Djeık Sallıvanmen kezdesý ótkizdi, dep habarlaıdy QazAqparattyń menshikti tilshisi Aq úıdiń baspasóz qyzmetine silteme jasap.

Kezdesý barysynda Qurama shtattar men Qazaqstan BUU Jarǵysy qaǵıdalaryn, onyń ishinde barlyq memlekettiń egemendigi men aýmaǵynyń tutastyǵyn qoldaıtynyn rastady.
Sondaı-aq taraptar eki el arasyndaǵy strategııalyq áriptestikti jáne energetıkalyq qaýipsizdik sııaqty negizgi ekijaqty jáne óńirlik máseleler boıynsha yntymaqtastyqty talqylady. Amerıkalyq tarap AQSh Prezıdent Qasym-Jomart Toqaevtyń Qazaqstandaǵy memlekettik basqarýdyń ashyqtyǵy men eseptiligin jaqsartý jónindegi kúsh-jigerin qoldaıtynyn atap ótti.
Erteń qazaqstandyq jáne amerıkalyq delegatsııa ókilderi Adam quqyqtary men demokratııalyq reforma boıynsha komıssııanyń ekinshi otyrysyn ótkizedi.
Eske sala keteıik, birinshi kezdesý 2022 jyldyń sáýirinde Astanada bolǵan. Taraptar azamattyq qoǵam, din erkindigi, sot júıesin nyǵaıtý men Qazaqstanda saıası reforma júrgizý syndy aýqymdy máselelerdi talqylaǵan bolatyn.