Qazaqstan men AQSh arasyndaǵy áskerı yntymaqtastyqtyń kezekti josparyna qol qoıyldy

ASTANA. QazAqparat - Vashıngtonda Qazaqstan Respýblıkasy men Amerıka Qurama Shtattary qorǵanys vedomstvolarynyń ókilderi arasynda ekijaqty qorǵanys keńesteri ótti, dep habarlaıdy QR QM baspasóz qyzmeti.

Qazaqstannyń áskerı delegatsııasyn Qazaqstan Respýblıkasy Qorǵanys mınıstriniń orynbasary general-leıtenant Talǵat Muhtarov basqardy.

Іs-shara barysynda QR men AQSh arasyndaǵy áskerı yntymaqtastyqtyń aǵymdaǵy jáne perspektıvalyq máseleleri talqylanyp, aldaǵy bes jyldyq kezeńge ózara is-qımyldyń baǵyttaryn aıqyndaıtyn 2018-2022 jyldarǵa arnalǵan áskerı yntymaqtastyqtyń kezekti bes jyldyq josparyna qol qoıyldy. 

Odan basqa, sapar sheńberinde AQSh Qorǵanys mınıstrligi Ulttyq ulan bıýrosy, AQSh armııasy jáne AQSh Ulttyq qorǵanys ýnıversıtetiniń ókilderimen kezdesýler ótkizildi.