Qazaqstan men AQSh arasynda tikeleı áýe reısi 2025 jyly ashylýy múmkin
ASTANA. KAZINFORM – Amerıka qurama shtattarynyń Qazaqstandaǵy elshisi Denıel Rozenblıým eki el arasynda tikeleı áýe reısin ashý nege kesheýildep jatqanyn aıtty.
«Biz tikeleı reıs ashýdy qalaıtyn edik. Ol ıdeıany qoldaımyz. Biraq ókinishke qaraı, bul – óte kúrdeli protsess. Áýe kompanııalarynyń talapqa sáıkes keletin borttary bolý kerek. Al Air Astana-da ázirge ondaı borttar joq. Qazir satyp alýmen aınalysyp jatyr. Ol biraz ýaqyt alady», - dedi ol ınvestorlardyń quqyqtaryn qorǵaý jónindegi forým aıasynda BAQ ókilderine bergen suhbatynda.
Dıplomat tikeleı reıs ashý protsesiniń jyldamdyǵy AQSh-tyń avıatsııa organdary ótkizetin tekserýlerge de baılanysty ekenin aıtty.
Sondaı-aq, bizdiń (AQSh tarabynyń – red.) AQSh federaldyq avıatsııa ákimshiligi sııaqty organdary ótkizetin tekserýler men ózge de kóptegen protsester bar. Bul másele Úkimetpen ótetin kezdesýlerde jıi kóteriledi. Ókinishke qaraı, bıyl bolmaıdy. Shamalap aıtsaq, 2025 jyly bolýy múmkin», - dedi elshi.
