Qazaqstan men Afrıkalyq odaq Somalıge kómek kórsetýge ýaǵdalasty
Kelisimniń talaptaryna sáıkes 2018 jyldyń ekinshi jartyjyldyǵynda Qazaqstan tarapy atalmysh jobalardyń iske asyrylýyn tekserý maqsatynda Somalıge sapar uıymdastyratyn bolady.
Afrıkalyq odaqtyń qurylymdary arqyly Somalıge gýmanıtarlyq kómek kórsetý sheshimi memlekette «Ash-Shabab» terrorıstik toptardyń isteri men azamattyq soǵys saldarynan paıda bolǵan qıyn áleýmettik-ekonomıkalyq jaǵdaıǵa baılanysty qabyldandy.
Qazaqstannyń gýmanıtarlyq kómek kórsetý boıynsha halyqaralyq uıymdarǵa erikti jarnalar joldaý baǵdarlamasyna sáıkes atalǵan kelisimge qol qoıyldy.
Sonymen qatar, Qazaqstannyń Somalıge gýmanıtarlyq kómek kórsetýi
Qazaqstan Prezıdenti Nursultan Nazarbaevtyń Saıası joldaýynda aıtylǵan BUU Qaýipsizdik Keńesiniń pikirtalastarynda usynylǵan BUU QK-niń turaqty emes múshesi retinde elimizdiń bastamalaryna (Afrıkanyń beıbit jáne turaqty damýyna járdemdesý) sáıkes bolyp keledi.
Somalıdegi jaǵdaı Somalı men Erıtreıa boıynsha
BUU QK sanktsııalar komıtetiniń (Komıtet 751/1907) tóraǵasy retinde Qazaqstannyń jaýapkershilik aımaǵyna kiredi.
Oǵan qosa, zardap shekken halyqty sýmen qamtamasyz etý boıynsha atalǵan jobalar Qazaqstannyń BUU Qaýipsizdik Keńesindegi ıadrolyq, sý, azyq-túlik jáne energetıkalyq qaýipsizdik jónindegi tórt baǵdarlamalaryna sáıkes keledi.
Qazaqstan 2014 jylǵy qarasha aıynan bastap 1 mlrd-tan astam turǵyny bar qurlyqtyń 55 memleketti biriktiretin Afrıka odaǵynyń baıqaýshysy bolyp tabylady.
