Qazaqstan memorgandary saıttaryna hakerlik shabýyldyń sebepteri ataldy
ASTANA. QazAqparat - Qazaqstan Respýblıkasy Aqparat jáne kommýnıkatsııalar mınıstrligi ótken demalysta jergilikti atqarýshy jáne jergilikti ókildik organdarynyń, sondaı-aq ortalyq memlekettik organdardyń vedomstvolyq baǵynysty uıymdarynyń ınternet-resýrstaryn buzyp kirý oqıǵalaryn tirkedi, dep habarlaıdy atalǵan vedomostvoniń baspasóz qyzmeti.
Barlyǵy, QR AKM-niń «MTQ» RMK-nyń Kompıýterlik ıntsıdentterge áreket etý qyzmeti 21 ınternet-resýrsqa buzyp kirýdi tirkegen.
Ótken barlyq ıntsıdent boıynsha resýrstardyń ıelerine basyp kirý saldaryn joıý maqsatynda habarlama joldandy. Qolda bar derekter boıynsha ınternet-resýrstardyń basym bóligi bir serverde ornalasqan jáne bir osaldyǵy bar.
Bul jaǵdaı mazmundy basqarý júıesin ýaqtyly jańartýǵa (CMS), tıisti qorǵaýmen qamtamasyz etýge, ıntsıdentti ýaqtyly anyqtaýǵa, josyqsyz ónim berýshilermen ınternet-resýrstardy súıemeldeýge sharttar jasasýǵa ınternet-resýrstardyń ıeleri tarapynan baqylaýdyń joqtyǵynan bolýy múmkin.
Qazirgi ýaqytta osyǵan uqsas ıntsıdenterdi aldaǵy ýaqytta boldyrmaý boıynsha jaýapty adamdarmen barlyq qajetti sharalar qabyldanýda.
