Qazaqstan memlekettik qarjyny basqarý sapasy boıynsha Ortalyq Azııada kóshbasshylar qatarynda
ASTANA.KAZINFORM - QR Qarjy vıtse-mınıstri Dáýren Temirbekov PEFA (Public Expenditure and Financial Accountability) halyqaralyq baǵdarlamasy hatshylyǵynyń onlaın kezdesýine qatysty.
Onyń barysynda 2022-2024 jyldardaǵy Qazaqstannyń memlekettik qarjy júıesin basqarý jumysyna táýelsiz baǵa berildi. Bul baǵalaý Dúnıejúzilik bank pen Azııa damý bankiniń bastamasymen jáne qoldaýymen júrgizilgen.
PEFA – kez kelgen eldiń qarjy basqarý júıesiniń kúshti ári álsiz jaqtaryn jan-jaqty baǵalaýǵa múmkindik beretin halyqaralyq ádisteme. Zertteý nátıjeleri kórsetkendeı, Qazaqstan buǵan deıingi baǵalaýmen salystyrǵanda bıýdjet reformasynda, qarjy aǵyndarynyń ashyqtyǵyn arttyrý men qarjylyq tártipti nyǵaıtýda aıtarlyqtaı jetistikke jetken. Munyń nátıjesinde elimizdiń Ortalyq Azııa memleketteri arasynda kóshbasshylyq pozıtsııany saqtap otyrǵany belgili boldy.
Qarjy mınıstrligi málimetinshe, atalǵan baǵalaý halyqaralyq arenadaǵy senimdi nyǵaıtyp, Qazaqstannyń kredıttik reıtıngine oń áser etýi múmkin. Osy tásil júrgizilip jatqan memlekettik qarjy saıasatynyń tıimdiligin rastap, halyqaralyq áriptestermen jáne ınvestorlarmen jemisti dıalogty kúsheıtýge qosymsha jol ashady.
Aıta keteıik, Qazaqstanda Islam qarjysy jónindegi halyqaralyq keńes quryldy.