Qazaqstan memleketaralyq áriptestikti damytýǵa kóp kúsh salyp keledi — sarapshy
ASTANA. KAZINFORM — Shveıtsarııanyń damý jáne yntymaqtastyq agenttiginiń Blue Peace Ortalyq Azııa jobasynyń jetekshisi Aleksandr Nıkolaenko sý dıplomatııasy salasyndaǵy Sý resýrstary jáne ırrıgatsııa mınıstrliginiń jumysyn joǵary baǵalady. Bul týraly Sý resýrstary jáne ırrıgatsııa mınıstrligi málim etti.
Sarapshynyń aıtýynsha, sońǵy eki jylda Qazaqstan memleketaralyq yntymaqtastyqty damytýǵa aıtarlyqtaı kúsh jumsap keledi.
— Qazaqstanda Sý resýrstary jáne ırrıgatsııa mınıstrligi qurylǵanyna nebári eki jyl ǵana bolsa da, ol eldiń sý sharýashylyǵyn damytý úshin qajet kóptegen baǵytty qamtydy. Solardyń ishinde asa mańyzdy quramdas bólik — sý dıplomatııasy. ıAǵnı Ortalyq Azııa elderi arasyndaǵy dıalog alańdary men kelissózder protsesterin qamtamasyz etý, sondaı-aq sý sharýashylyǵy salasyndaǵy Qazaqstan aldynda turǵan máselelerdi sheshý úshin múddeli áriptesterdi tartý. Bul — óte kúrdeli úderis, alaıda sońǵy eki jylda Qazaqstan respýblıka men halyqtyń sý qaýipsizdigin qamtamasyz etý úshin memleketaralyq áriptestikti damytýǵa kóp kúsh salyp keledi, — dedi Aleksandr Nıkolaenko. Blue Peace Ortalyq Azııa jobasynyń jetekshisi Qazaqstan men Ózbekstannyń Syrdarııa ózeniniń orta jáne tómengi aǵysyndaǵy on gıdrobeketti avtomattandyrý jónindegi birlesken bastamasyn erekshe atap ótti.
Sarapshynyń pikirinshe, Sý resýrstary jáne ırrıgatsııa mınıstrliginiń qurylýy Qazaqstandaǵy sý máselelerin joǵary saıası deńgeıge kóterip, eldiń alǵa qoıǵan maqsattaryn iske asyrýǵa degen nıetin aıqyndady. Mysal retinde Aleksandr Nıkolaenko jańa Sý kodeksiniń daıyndalýy men qabyldanýyn keltirdi.
— Qazaqstanda Sý kodeksin ázirleý birneshe jyl boıy júrgizildi. Dál osy mınıstrliktiń qurylýy jobany Parlament pen ózge de memlekettik organdar deńgeıine shyǵarýǵa múmkindik berdi, óıtkeni kelisý — óte kúrdeli protsess. Qazaqstannyń jańa Sý kodeksinde tek el úshin ǵana emes, búkil óńir úshin de ózekti, jańa ári qyzyqty normalar bar. Biz bul normalar Ortalyq Azııanyń basqa memleketteriniń zańnamalyq bazasynda da kórinis tabady dep úmittenemiz, — dedi sarapshy.
Buǵan deıin habarlanǵandaı, Ortalyq Azııa elderi transshekaralyq sýdy bólý men Aral teńizin saqtaý máselesin talqylady.