Qazaqstan mektepterinde 1700-den astam «avtorıtet» bar — ІІM

ASTANA. KAZINFORM — Іshki ister mınıstrligi oqý 2023-2024 oqý jylynda 1700-den astam jat áreket kóshbasshylaryn esepke alǵan. Vedomstvonyń resmı ókili Shyńǵys Álekeshev kezekti onlaın baspasóz máslıhatynda osyndaı derek keltirdi.

«Oqý jylynyń basynan bastap jat áreketter jasaýǵa beıim, jasóspirimder arasyndaǵy 1700-den astam beıresmı kóshbasshy anyqtaldy. Onyń barlyǵy ishki ister organdarynyń baqylaýyna alyndy. Kámeletke tolmaǵandar tarapynan jasalǵan bopsalaýdyń 17 faktisi toqtatyldy», — dedi resmı ókil.

Sh.Álekeshev Іshki ister mınıstrligi balalardyń quqyqtyq saýatyn arttyrýǵa erekshe kóńil bólip otyrǵanyn aıtady. 

«Oqý protsesi kezinde mektepterde oqýshylarmen jáne olardyń ata-anasymen turaqty túrde dárister ótkiziledi», — dedi ol.