Qazaqstan mektepteriniń 98 paıyzy Internetke qosylǵan - QR BǴM
ASTANA. 24 qazan. QazAqparat - Qazaqstanda mektepterdiń 98 paıyzy Internetke qosylǵan, onyń ishinde 37 paıyzy keńjolaqty Internet qyzmetine qosylǵan, dep habarlady Bilim jáne ǵylym mınıstrligi QR Úkimetiniń pm.kz saıtynda.
Vedomstvonyń habarlaýynsha, qazirgi tańda elimizde 16 oqýshyǵa 1 kompıýterden keledi.
Qazaqstanda 2005 jyldan beri mektepterdi mýltımedııalyq lıngafon kabınetterimen jaraqtaý sharalary júzege asyrylýda.
«Respýblıka mektepterinde osyndaı 3450 kabınet ornatylǵan. Baǵdarlamalyq qamtamasyz etý muǵalimge kompıýter synybyndaǵy sabaqtyń barysyn tolyq baqylaýǵa, oqýshylardyń qadaǵalaýǵa, olarmen sóılesýge múmkindik beredi», - delingen vedomstvo habarlamasynda.
Memleket basshysynyń tapsyrmasyna sáıkes bilim oshaqtaryndaǵy oqý úderisine onlaın-oqytý júıesi engizilýde. Úsh jylda 3571 mektep ınteraktıvti pándik kabınettermen jaraqtaldy.
Arnaıy baǵdarlamalyq qamtamasyz etýdiń kómegimen úzdik muǵalimder mektepterde ınteraktıvti sabaqtar ótkizýde. al muǵalimder úshin barlyq pánder boıynsha ınteraktıvti trenıngter júrgizilýde.
