Qazaqstan mektepteriniń 82 paıyzy ystyq tamaqpen qamtamasyz etilgen
ASTANA. 5 jeltoqsan. QazAqparat - Respýblıkanyń 6036 mektebinde (82 paıyz) 1,8 mln. balaǵa nemese barlyq oqýshylardyń 76 paıyzyna ystyq tamaq uıymdastyrylǵan, dep habarlady QR bilim jáne bilim mınıstrligi Pm.kz saıty úshin.
«Tegin ystyq tamaqpen oqýshylardyń 33 paıyzy qamtamasyz etilgen. Sonymen qatar az qamtylǵan otbasylardyń jalpy sanynan 200 myńnan astam oqýshy tegin tamaqpen qamtylǵan», - delingen habarlamada.
Bul oraıda tegin tamaqpen qamtamasyz etý Aqtóbe (59,5), Batys Qazaqstan (85,9), Jambyl (46) oblystarynda jáne Astana qalasynda (70,6) joǵary deńgeıde júrgizilýde.
«Tegin ystyq tamaqpen qamtamasyz etý Astana men Almaty qalalarynyń jáne Aqtóbe men Batys Qazaqstan oblystarynyń barlyq tómengi synyp oqýshylary úshin uıymdastyrylǵan», - delingen mınıstrlik aqparatynda.
