Qazaqstan mektepterindegi árbir synypqa Wi-Fi ornatylmaq
ASTANA. QazAqparat - QR Bilim jáne ǵylym mınıstrligi elimizdegi mektepterdiń árbir synybyna Wi-Fi ornatpaq. Bul týraly búgin Úkimet otyrysynda atalǵan vedomstvonyń basshysy Erlan Saǵadıev málim etti, dep habarlaıdy QazAqparat.
«Búginde ınternet mektepterdiń basym bóligine tartylýda. «Tsıfrly Qazaqstan» baǵdarlamasy aıasynda osy másele sheshilmek. Alaıda, ár synyptaǵy ishki Wi-Fi jelisi de mańyzǵa ıe. Biz qysqa merzimde Qazaqstannyń barlyq mektepterinde qurylymdalǵan kabeldi júıeni qamtamasyz etý boıynsha aýqymdy jobany bastaýdy josparlap otyrmyz»,-dedi Saǵadıev.
Osy oraıda ol bul jabdyqty jergilikti atqarýshy organdar satyp alýy tıis ekenin jetkizdi. Jalpy, bul baǵyttaǵy jumystarǵa qomaqty qarjy qajet emes kórinedi.
Budan buryn habarlanǵandaı, QR Bilim jáne ǵylym mınıstri mektepterde árbir oqýshyny jeke shkafpen qamtamasyz etpek.
