Qazaqstan mektepterinde patrıotızm týraly jańa sabaq ótedi

NUR-SULTAN. QazAqparat – Jańa oqý jylynan bastap Qazaqstanda mektep oqýshylary «Patrıotızm jáne jahandyq quzyretter» atty kýrstan ótpek. Bul týraly Y.Altynsarın atyndaǵy ulttyq bilim akademııasynyń prezıdenti Mádına Tynybaeva málim etti, dep habarlaıdy QazAqparat tilshisi.

«Patrıotızm jáne jahandyq quzyretter» atty kýrs 5-11 synyp oqýshylaryna arnalǵan. Onyń maqsaty – balanyń taldaý qabileti men sheberligin damytý. Búginde jańa joba óńirlik ádistemelik ortalyqtarǵa tanysý maqsatynda jiberildi. Sol sııaqty jańa kýrsqa qatysty túsindirý jumystary júrip jatyr», - dedi Mádına Tynybaeva QR Bilim jáne ǵylym mınıstrliginde ótken apparat jınalysynda.

Oqýshylarǵa arnalǵan jańa sabaq 2022-2023 oqý jylynda qoldanysqa engizilmek.

«Patrıotızm jáne jahandyq quzyretter» kýrsy 5-11 synyptarda kelesi salalardy qamtıdy: qarjy saýaty jáne kásipkerlik negizderi, azamattyq, parasat pen ádep, ekologııa mádenıeti, synı turǵydan oılaý, zaıyrlylyq jáne dintaný negizderi, medıasaýat.

Buǵan deıin mınıstr Ashat Aımaǵambetov atalǵan jıynda mektepterdegi ata-analar jınalysyn ótkizý formatyn synǵa alǵan edi.