Qazaqstan mektepterinde mamandandyrylǵan kúzet bolady

NUR-SULTAN. QazAqparat - Qazaqstan mektepterinde mamandandyrylǵan kúzet bolady. Bul týraly QR Bilim jáne ǵylym mınıstrliginiń keńeıtilgen alqa otyrysynda Úkimet basshysynyń orynbasary Berdibek Saparbaev aıtty, dep habarlaıdy QazAqparat tilshisi.

«Beınebaqylaý kameralary, daladaǵy dárethanalarǵa qatysty Prezıdentten naqty tapsyrma boldy. Biz 1 qyrkúıekke deıin munyń bárin oryndaýǵa mindetteme aldyq. Biz munyń barlyǵyn da jasaımyz», - dedi ol.

Sonymen qatar vıtse-premer bilim oshaqtaryn vıdeobaqylaýmen jabdyqtaý máselesine toqtaldy.

«Atalǵan vıdeokameralardy polıtsııa bólimshelerimen yqpaldastyrýǵa qatysty aıtsaq, bul mindetti bolady. Olar da ne bolyp jatqanyn bilip otyrýy tıis. Qazirgi ýaqytta biz aýdan, oblys ortalyqtaryna mekteptegi kúzettiń barlyǵyn vedomstvodan tys kúzetke aýystyrý qajettigin aıttyq. Qazirgi ýaqytta negizinen mektep kúzetinde apalar men atalar otyrady. Nátıjesi ózderińizge belgili», - dedi B.Saparbaev.