Qazaqstan mektepterinde kitappen birge elektrondy oqýlyq qoldanylady
«Orta bilim berýde oqý maqsatyn túzetý, aǵylshyn tilin, «Tsıfrlyq saýat» pánin oqý saǵattaryn ulǵaıtý jáne jekelegen pánderdiń baǵdarlamalaryn ózgertý bóliginde orta bilim berý standarty men tıptik oqý baǵdarlamalaryn ózgertý jumystary jalǵasady. Dástúrli oqytý pánderdi oqytýdyń ınnovatsııalyq ádisterimen tolyqtyrylady, qaǵaz oqýlyqtarmen qatar tsıfrlyq oqýlyqtar qoldanylady», - dedi Ǵanı Beısembaev elordada ótken mınıstrliktiń alqa otyrysynda.
Sonymen birge, bilim berý uıymdarynyń pedagog-psıhologtarynyń, áleýmettik pedagogtarynyń, kitaphanashylarynyń jalaqysyn kóterý máselesi pysyqtalady.
Shaǵyn qalalar men aýyldardaǵy mektepterdi jańǵyrtý, jumys istep turǵan mektepterdegi ınfraqurylym men qaýipsiz jaǵdaılardy jaqsartý jumystary jalǵasady.
Taǵy bir mańyzdy baǵyttardyń biri – erekshe bilim berý qajettiligi bar balalardy qoldaý.
Osy oraıda psıhologııalyq-medıtsınalyq-pedagogıkalyq konsýltatsııa beretin 7 kabınet jáne 5 psıhologııalyq-pedagogıkalyq túzetý kabınetin ashý kózdelgen.
Psıhologııalyq-pedagogıkalyq túzetýge arnaıy memlekettik tapsyrys jasalady, mekteptegi psıhologııalyq qyzmetterdiń róli kúsheıtiledi jáne pedagog-psıhologtar úshin standarttar engiziledi.
«Balalardyń damýy úshin sapaly tamaqtaný erekshe mańyzǵa ıe. Bul rette balalardy tamaqpen qamtamasyz etý normatıvterin qaıta qaraý, bastaýysh (1-4 synyp) synyptardyń barlyq oqýshylaryna bir rettik tegin ystyq tamaq berý jáne ashanada qolma-qol aqshasyz esep júıesin engizý josparlanǵan», - dedi jańa mınıstr.
Aıta keteıik, elordada KAZGıÝÝ ýnıversıtetinde Oqý-aǵartý mınıstrliginiń 2022 jyly atqarylǵan jumys qorytyndylary jáne 2023 jylǵa josparlanǵan mindetter boıynsha keńeıtilgen alqa otyrysy ótýde.
Alqa otyrysyna QR Premer-Mınıstriniń orynbasary Altaı Kólginov, oqý-aǵartý mınıstri Ǵanı Beısembaev, mınıstrlik ókilderi, pedagogter qatysyp otyr.
Foto: Vitaly Nevar/TASS via Getty Images
