Qazaqstan mektepterinde alty kúndik oqytý qaldyrylatyn boldy
ASTANA. QazAqparat - Jaqyn bolashaqta Qazaqstan mektepteri alty kúndik oqytýdan bas tartpaıdy. Bul týraly zakon.kz portalynda ótken «Mınıstrge suraq qoı» atty onlaın-konferentsııada QR Bilim jáne ǵylym mınıstri Aslan Sárinjipov málim etti.
Internet paıdalanýshylardyń biri konferentsııa barysynda mınıstrge «Qazaqstanda 2016 jyldyń 1 qańtarynan bastap, mektepterde senbi kúngi sabaqtar shynymen alyp tastalady ma?» degen saýal joldaǵan bolatyn. «Búginde 6 kúndik oqytýdy alyp tastaý máselesi turǵan joq. Qandaı da bir ózgertýler tek jergilikti organdardyń sheshimimen ǵana engizilýi múmkin», - dep atap ótti A. Sárinjipov.
