Qazaqstan medıtsınasy JI-startaptardy qanshalyqty qajetine jaratyp otyr

ASTANA. KAZINFORM –Tsıfrlyq damý, ınnovatsııalar jáne aeroǵarysh mınıstrligi Jasandy ıntellekt jáne ınnovatsııalardy damytý komıteti tóraǵasynyń orynbasary Álibek Saılanbaev Qazaqstan medıtsınasy JI-startaptardy qanshalyqty qajetine jaratyp otyrǵanyn aıtty.

— Jalpy JI-di alǵash bolyp qoldanysqa engizgen salanyń biri medıtsına bolatyn. Іri til modelderine deıin rentgen keskinderdi JI kómegimen oqý tájirıbege engizildi. Qazir bizde JI-di medıtsınada paıdalanatyn birneshe startap bar, — dedi ol.

Tsıfrmın ókili Cerebra startabyna toqtaldy.

— Bul startap mıdyń keskinderine qarap ınsýltti anyqtaýǵa kómektesedi. Al AIDENTIS startabynyń kómegimen aýyz qýysyna jasalǵan 3D-túsirilimder arqyly dıagnostıka jasaýǵa bolady. Qazir JI dárigerlerge aýrýdy anyqtap qana qoımaı, tezirek emdeýge kómektesetin quralǵa aınalyp keledi. Biraq JI-ge tolyq senip ketýge áli erte, — dedi ol.

Buǵan deıin NU ınjeneri Anar Sandyǵulova aýtızm ereksheligi bar balalardy jasandy ıntellektige negizdelgen robot terapııasy arqyly ońaltý ádistemesin ázirlegenin jazǵan edik.