Qazaqstan medıtsınasynyń aldynda adamnyń ómir súrý jasyn uzartý men ólim-jitimdi azaıtý mindeti tur - senator S.Jalmaǵambetova
ASTANA. 14 qazan. QazAqparat /Gúlmıra Alıakparova/ - Qazaqstan básekege qabiletti el bolýy úshin árbir adam, árbir maman ıesi básekege qabiletti bolýy kerek.
Bul týraly «Ana men bala» ulttyq ǵylymı ortalyǵynda ótken dóńgelek ústel barysynda QR Parlamenti Senatynyń depýtaty Svetlana Jalmaǵambetova málim etti.
Dóńgelek ústeldiń taqyryby «Qazaqstan Respýblıkasyndaǵy densaýlyq saqtaýdyń ınnovatsııalyq damý máseleleri men bolashaǵy» boldy.
«Bizdiń basty maqsatymyz - básekege qabiletti elderdiń qataryna ený. Sondyqtan bizdiń eldegi barlyq sala, sonyń ishinde medıtsına salasy básekege qabiletti bolýy kerek», - dedi S.Jalmaǵambetova.
Onyń atap ótkenindeı, bul maqsatqa ınnovatsııasyz qol jetkizý múmkin emes. Sondyqtan bizdiń elimizde júzege asyrylyp jatqan barlyq baǵdarlamalar, áleýmettik qaıta jańǵyrtý baǵdarlamalary ınnovatsııany engizýge baǵyttalǵan. Qazaqstan medıtsınasynyń aldynda adamnyń ómir súrý jasyn uzartý men ólim-jitimdi azaıtý mindeti tur.
«Dóńgelek ústeldi» «Nur Otan» HDP men «Ulttyq medıtsınalyq holdıng» AQ uıymdastyrǵan.
