Qazaqstan medıtsınasy farmakolog mamandarǵa zárý
ASTANA. QazAqparat - Qazaqstanda shamamen 900 farmakolog maman jetispeıdi. Bul týraly búgin QR Parlamenti Májilisi áleýmettik-mádenı damý komıtetiniń xatshysy, parlamenttik tyńdaýlar daıyndyǵy jónindegi ýaqytsha komıssııanyń jetekshisi Beıbit Mamraev málim etti, dep xabarlaıdy QazAqparat.
"Meniń qolymda bar málimetterge sáıkes, bizde qazir nebári 200 farmakolog maman jumys isteıdi. Bir qyzyǵy olardyń tek 5%-da arnaıy farmakologııa mamandyǵy boıynsha dıplom bar. Qalǵandary bul salaǵa basqa mamandyqtardan kelip, qosylǵan bolsa kerek. Biraq olardyń barlyǵy da tájirıbeden ótken, biliktilikterin jetildirgen jandar. ıAǵnı arnaıy sertıfıkatqa ıe. Olardyń biligine kúmán keltirmeımin. Alaıda farmakologtardyń tapshylyǵy kózge uryp tur", - dedi ol Ortalyq kommýnıkatsııalar qyzmetinde ótken brıfıngte.
Onyń sózinshe, emxanalarda saýatty, quzyry joǵary farmakologtar qyzmet etýi tıis. Olar emxanada sapaly farmatsııany quryp, aýrýǵa shaldyqqandardy tıimdi emdeýge úles qosady jáne dári-dármekterdi qabyldaý tártibin saýatty júrgizedi.
Aıta keteıik, Parlament Májilisinde 12 mamyrda «Qazaqstan Respýblıkasynda halyqty tegin medıtsınalyq kómektiń kepildik berilgen kólemi sheńberinde dárilik zattarmen qamtamasyz etý jáne farmatsevtıka salasynyń jaı-kúıi jáne damýy týraly» taqyrybynda parlamenttik tyńdaý ótedi.
Tyńdaý barysynda Parlament depýtattary dárimen qamtamasyz etýdiń ózekti máselelerin jáne osy saladaǵy problemalardy sheshý joldaryn talqylamaq.
Parlament depýttarymen birge tyńdaýǵa ortalyq jáne jergilikti atqarýshy organdar ókilderi, iri farmatsevtıkalyq kásiporyndardyń basshylary men sheteldik sarapshylar, medıtsına qyzmetkerleri, úkimettik emes uıymdar men BAQ ókilderi qatysady dep josparlanǵan.
