Qazaqstan medıtsınalyq saqtandyrý júıesin engizýge 2014-2015 jyldarǵa qaraı daıyn bolady - Densaýlyq saqtaý mınıstrligi
ASTANA. 7 jeltoqsan. QazAqparat /Jasulan Amanbaıuly/ - Qazaqstan medıtsınalyq saqtandyrý júıesin engizýge 2014-2015 jyldarǵa qaraı daıyn bolady. Búgin QR Densaýlyq saqtaý mınıstrliginde ótken brıfıngte vedomstvo vıtse-mınıstri Erik Baıjúnisov osylaı málim etti.
Onyń aıtýynsha, elimiz buǵan otandyq medıtsına damýynyń ishki prıntsıpteri men ózegin jasaqtap shyqqan kezde qol jetkizedi. Búgingi ýaqytta elimizde medıtsınalyq saqtandyrý azamattarǵa mindettelmeıdi. Halyqqa mindetti medıtsınalyq kómek aqysyz júrgiziledi.
«Saqtandyrý medıtsınasy nemese bizdegideı memlekettik medıtsına modelderiniń birinen biri asqan aıqyn basymdyqtary joq. Ulybrıtanııa syndy elderdiń tájirıbesi kórsetkenindeı, bıýdjetti model halyqtyń barlyq áleýmettik toptaryna áldeqaıda qoljetimdi, ári onyń qyzmetin baqylaýǵa birshama jeńil bolyp tabylady», - deıdi E. Baıjúnisov.
Aqysyz medıtsınalyq kómek kórsetý júıesi halyqty áleýmettik qorǵaýdyń eń mańyzdy faktorlarynyń biri. Memleket osy qarajatqa óz azamattaryn medıtsınalyq saqtandyrady dep esepteledi. Sonyń arqasynda elde barlyq adamdardy medıtsınalyq kómekpen qamtamasyz etýi neǵurlym artady. Medıtsınanyń saqtandyrý júıesine negizdelgen modeli irikteýshi basymdyqqa ıe. Medıtsınalyq kómekke tek saqtandyrylǵandar ǵana kol jetkize almaq.
«Basqa elderdiń, sonyń ishinde kórshiles memleketterdiń damý deńgeıine jáne negizgi kórsetkshterine qaraıtyn bolsaq, Qazaqstannyń tájirıbesindegi bıýdjetti model turaqty ári shıraq damyp keledi. Qazirgi ýaqytta tehnıkalyq jabdyqtalý, jańǵyrtý, sonymen qatar damýyna bólinetin qarajattyń deńgeıi boıynsha memlekettik medıtsınalyq mekemelerimen sanasa alatyn jeke menshik ortalyqtar joqtyń qasy», deıdi ol.
