Qazaqstan medıtsınada asqazan-ishek joldary aýrýlaryn dıagnostıkalaıtyn fınlıandııalyq tehnologııalardy engizýde
ASTANA. Maýsymnyń 10-y. QazAqparat /Jasulan Amanbaıuly/ - QR Prezıdentiniń Іs basqarmasy departamentiniń jańa zamanǵy medıtsınalyq tehnologııalardy engizý ortalyǵy Fınlıandııanyń «BIOHIT» kompanııasymen birlesip, Qazaqstanda jańa ınnovatsııalyq «GastroPanel» tehnologııasyn engizip jatyr.
Búgin, osyǵan oraı, Astanada «BIOHIT» kompanııasynyń jańa ınnovatsııalyq «GastroPanel» tehnologııasyn Qazaqstanda engizýge arnalǵan tájirıbelik semınar ótkizildi.
Helsınkı ýnıversıtetiniń professory Pentıı Sıponnenniń atap ótkenindeı, «GastroPanel» asqazan-ishek joldary aýrýlaryn bastapqy kezeńderde anyqtaýǵa jáne ony der ýaqytynda emdeý úshin qoldanylady. Sonymen qatar adamnyń asqazanynda, ishek joldarynda qaterli isik aýrýynyń paıda bolý qaterin bilýge múmkindik beredi.
«Fın jabdyǵy aǵza dıagnostıkasyn qannyń saraptamasy arqyly jasaıdy. «GastroPanel» ozyq tehnologııasy joq kezde álem elderinde gastrıtti dıagnostıkalaý gastroskopııa tútikshelerin asqazanǵa tikeleı engizý arqyly júrgizilip keldi. Ol ádis adamnyń asqazanyna zaqym keltirip qana qoımaı, jaranyń qaı jerde ornalasqandyǵyn dál anyqtaýǵa múmkindik bermeıtin edi», deıdi ol.
Onyń aıtýynsha, qurylǵy adamnyń qanyna 80 túrli saraptama jasaı alady.
«BIOHIT» kompanııasynyń vıtse-prezıdenti jáne bas dırektory ıÝreo Vıchmann, atalmysh qurylǵy buryńǵy apparattardyń baǵasymen salystyrǵanda sonshalyqty qymbat emestigin aıtady.
Eń birinshi Astana qalasynda QR Prezıdentiniń Іs basqarmasynyń medıtsınalyq ortalyǵy jáne respýblıkalyq dıagnostıkalyq ortalyq bazasynda engiziletin tehnıka, keıin Almaty qalasynda, sosyn barlyq oblystarǵa taratylatyn bolady.
