Qazaqstan maýntınbaıktan Malaızııadaǵy týrnırde úsh medal jeńip aldy
ASTANA.KAZINFORM - Maýntınbaıktan Qazaqstan ulttyq quramasy Malaızııanyń Kýchıng qalasynda ótken halyqaralyq týrnırde úsh medal jeńip aldy.
Otandastarymyz eki dıstsıplına boıynsha júldegerler qataryna endi.
QR UOK málimetinshe, erler arasyndaǵy jarysta Denıs Sergıenko eki kúmis medalǵa ıe boldy. Ol XCC jáne XCO saıystarynda ekinshi oryn aldy.
Áıelder arasynda Tatıana Geneleva XCC básekesinde úshinshi orynǵa ıe bolyp, qola medal jeńip aldy.
Qazaqstandyq jelaıaq Ortalyq Azııa chempıonatynda eki altyn jeńip alǵanyn jazǵan edik.
Nodıra Ahmedova taekvondodan Qytaıdaǵy halyqaralyq týrnırde qola júldege ıe boldy.
