Qazaqstan Marrakesh kelisimine múshe elder tizimine enedi
Qazaqstan 2024 jyldan bastap kórý qabileti nashar adamdardyń shyǵarmalardy oqýyn jeńildete túsetin Marrakesh kelisimine múshe elder tizimine enedi. Bul týraly Ádilet mınıstrliginiń resmı ókili Talǵat Ýálı aıtty, dep habarlaıdy Kazinform.
«Qazaqstan 2024 jyldan bastap kórý qabileti nashar adamdardyń shyǵarmalardy oqýyn jeńildete túsetin Marrakesh kelisimine múshe elder tizimine enbek. Qazirgi tańda oǵan 93 memleket engen. Bul arqyly zaǵıp jandar buǵan deıin jarııalanǵan beıimdelgen ádebıetterdi oqý múmkindigine ıe bolady. «Qazaq zaǵıptar qoǵamy» qorynyń dereginshe, qazir Qazaqstanda 17 myńnan astam kórý qabileti buzylǵan azamat bar», - dedi mınıstrlik ókili aptalyq brıfıng barysynda.
Onyń atap ótýinshe, Qazaqstannyń Marrakesh kelisimine enýin halyqaralyq uıymdar, Qazaq zaǵıptar qoǵamy, nashar kóretin adamdarǵa arnalǵan respýblıkalyq kitaphana men kitap shyǵarýshy baspahanalar qoldap otyr.
«Bul kórý qabileti nashar qazaqstandyqtardyń arnaıy beıimdelgen ádebıetke keńeıtilgen qoljetimdilik alatynyn bildiredi. Shartqa qosylý ınklıýzıvti jáne ádil qoǵam qurý jolyndaǵy mańyzdy qadam sanalady», - dedi Talǵat Ýálı.
