Qazaqstan mamandary Gazıantepte úıindi astynan 3 adamdy qutqarýǵa talpynýda
«Qazaqstandyq qutqarýshylar izdestirý-qutqarý jumystaryn jalǵastyryp jatyr. Olardyń aıtýynsha, dál sol jer jerde úıindiler astynda 3 adam jatyr. Olar mamandarǵa jaýap berip jatyr jáne sý suraýda. Bizdiń medıtsına mamandary olarǵa sýdy dári-dármekti tamyrǵa tamshylatyp jiberetin qurylǵymen berýge tyrysty. Zardap shekkender qırandy astynda 72 saǵattan astam jatyr», - dep málim etti jýrnalıst.
Eske salaıyq, Qazaqstan qutqarýshylary mingen bort 7 aqpan kúni Gazıantepke qonǵan bolatyn. Mamandarymyzdyń ekinshi toby atalǵan qalaǵa keshke keshqurym jetti. Qazaqstan ushaǵymen elge alǵashynda 16 adam evakýatsııalandy. Búgin, 9 aqpan kúni tańerteń taǵy 64 adam mingen bort Astana áýejaıyna kelip qondy.
Qazir Túrkııadaǵy jer silkinisi kezinde joǵalyp ketken qazaqstandyqtar izdestirilip jatyr. Olardyń biri – Sabına Mamadıarova 8 aqpan kúni keshke aman-esen tabyldy.
Tótenshe jaǵdaılar men apattar jónindegi basqarmanyń (AFAD) deregine sáıkes, 6 aqpan kúni Kahramanmarash-Pazardjık aýdanynda 7,7 ball qýatymen jáne Elbıstanda 7,6 ball qýatymen jer silkingennen keıin 648 aftershok boldy. Jerasty dúmpýi eldiń 10 provıntsııasynda, sondaı-aq kórshiles elderde, sonyń ishinde Sırııada sezildi. Túrkııa basshysy Rejep Taıı Erdoǵan 10 provıntsııada 3 aıǵa tótenshe jaǵdaı rejımin engizdi.
Vıdeodan alynǵan kadr / t.me/kazinform_news
