Qazaqstan málimetterdi muraǵattaýda aldyńǵy qatarly japon tájirıbesine ıe bolady - Elbasy
«Táýelsizdigimizdi alǵannan keıin mádenıetimizdi, ejelgi tarıhymyzdy zerdeleı bastadyq. Aıta keterligi, osydan eki jyl buryn halqymnyń mádenı-tarıhı kodyna júgingen kezimde rýhanı qundylyqtardy jańǵyrtýǵa baǵdarlanǵan «Rýhanı jańǵyrý» baǵdarlamasyna bastamashylyq jasadym», - dedi QR Tuńǵysh Prezıdenti.
Elbasynyń sózinshe, atalmysh baǵdarlamada Qazaqstan damýynyń baǵyttary naqty kórsetilgen. Al, «Arhıv-2025» jobasy ejelden bastap osy ýaqytqa deıingi barlyq otandyq jáne sheteldik muraǵattardy irgeli zertteýdi qamtıdy.
«Táýelsizdiktiń bir jylyn Qazaqstannyń tarıh jyly, kelesisin mádenıet jyly dep jarııaladym. Biz álemniń barlyq muraǵattarynan ózimizdiń tamyrymyzdy, tarıhymyzdy izdeı bastadyq jáne olardy túrli memleketterdiń, onyń ishinde sizderdiń elderińizdiń muraǵatynan taptyq», - dedi Nursultan. Nazarbaev.
QR Tuńǵysh Prezıdenti osy oraıda «Arhıv-2025» baǵdarlamasyna qoldaý kórsetip otyrǵan Japonııa Úkimetine, Japonııanyń Mádenıet isteri jónindegi agenttiginiń tóraǵasy Reheı Mıataǵa shynaıy rızashylyǵyn bildirdi.
«Sonyń arqasynda elektrondy bilim keńistigin quryp, málimetterdi muraǵattaý salasynda aldyńǵy qatarly japon tájirıbesine ıe bolamyz», - dedi Elbasy.
