Qazaqstan maldyń óńdelmegen terisin eksportqa shyǵarýǵa tyıym salady
ASTANA. QazAqparat - Qazaqstan iri qara malynyń óńdelmegen terisin eksportqa shyǵarýǵa 6 aıǵa tyıym salatyn bolady. Bul jaıynda QR Premer-Mınıstri Baqytjan Saǵyntaevtyń Májilis depýtattarynyń resmı saýalyna bergen jaýabynda aıtylǵan, dep habarlaıdy QazAqparat tilshisi.
«Іri qara maldyń óńdelmegen terisin Qazaqstan Respýblıkasy aýmaǵynan shyǵarýǵa 6 aıǵa shekteý qoıý máselesi Saýda saıasaty jáne halyqaralyq ekonomıkalyq uıymdarǵa qatysý jónindegi vedomstvoaralyq komıssııanyń qoldaýyna ıe boldy. Indýstrııa jáne ınfraqurylymdyq damý mınıstrligi osyǵan oraı buıryq jobasyn ázirlep, ol múddeli memlekettik organdarmen kelisý satysynda tur», - delingen Úkimet basshysynyń jaýabynda.
Sonymen qatar Premer-Mınıstr osy máselege qatysty sheshimdi Indýstrııa jáne ınfraqurylymdyq damý mınıstrligi Májilis depýtattarynda qosymsha habarlaıtyndyǵyn atap ótken.
