«Qazaqstan maǵan óte kóp nárse berdi»: Elena Rybakına elge alǵysyn aıtty
ASTANA. KAZINFORM — US Open-2026 týrnıriniń jańa chempıony ári álemniń birinshi raketkasy atanǵan Elena Rybakına óziniń kásibı sportshy retinde qalyptasýyndaǵy Qazaqstannyń róli týraly aıtty. Bul týraly Sports.kz jazdy.
— Qazaqstan maǵan óte kóp nárse berdi. Kásibı týrnırlerge qatysyp, ózimdi synap kórýge múmkindik alý men úshin de, otbasym úshin de úlken sheshim boldy. Ol kezde men mektepti endi ǵana támamdap jatqanmyn. AQSh-taǵy ýnıversıtetterden oqýǵa túsý týraly kóptegen usynys túsken edi. Alaıda sol tusta Qazaqstan tennıs federatsııasynyń ókilderi meni bir týrnırde baıqap qalyp, jaqsy nátıje kórsetkenimdi kórgen edi. Olar maǵan sendi. Qazaqstandaǵy kóptegen adamdar da maǵan senip, osy jolda qoldaý kórsetti. Men buǵan óte rızamyn. Bul — búkil el úshin ortaq tarıh. Meni qoldap, jaqsy kórip, eń bastysy, basynan bastap maǵan sengen barsha janmen birge toılaý úshin Qazaqstanǵa oralýymdy asyǵa kútip júrmin, — dedi tennısshi.
Onyń sózin WTA-nyń resmı saıty keltirdi.
Elena Rybakına — WTA reıtınginde álemniń birinshi raketkasy atanǵan Qazaqstannyń tarıhtaǵy tuńǵysh ókili. US Open-2026 týrnırindegi jeńisinen keıin ol resmı túrde álemdik reıtıngtiń kóshin bastady.
Eske sala keteıik, Elena Rybakına US Open-2026 týrnırindegi sátti ónerinen keıin álemdik reıtıngte birinshi orynǵa kóterildi.
Ol álemniń birinshi raketkasy retinde arnaıy júlde aldy.
Elena tennısshiler arasynda birinshi bolyp 2026 jylǵy WTA qorytyndy týrnırine qatysýǵa kepildik aldy.
