Qazaqstan mádenıet zertteý ınstıtýtynyń zańsyz ıelikten shyǵarylǵany anyqtaldy

ASTANA. KAZINFORM - 2019 jyly «Qazaqstan mádenıet zertteý ınstıtýty» JShS-niń zańsyz túrde ıelikten shyǵarylǵany anyqtaldy, dep habarlaıdy Almaty qalalyq prokýratýrasynyń baspasóz qyzmeti.

Baspasóz qyzmetiniń málimetterine qaraǵanda, Medeý aýdany prokýratýrasynyń talaby negizinde sot mámilelerdi jaramsyz dep tanyp, jalpy quny 300 mln teńgeden asatyn aktıvter memleketke qaıtaryldy. 

- Memleket basshysynyń tapsyrmasy boıynsha prokýratýra organdary zańsyz berilgen memlekettik aktıvterdi qaıtarý baǵytynda júıeli jumys júrgizip keledi,-delingen habarlamada. 

Osyǵan deıin BQO-da qaıtarylǵan aktıvter esebinen sý qubyry nysandary iske qosylǵany týraly jazdyq.