Qazaqstan M. Áblıazovtiń kompanııalarynyń birine qarsy tórelik talqylaýda jeńdi - Ádilet mınıstrligi
2013 jylǵy 17 qazanda Investıtsııalyq daýlardy retteý jónindegi halyqaralyq ortalyqtyń (IDRHO) tórelik trıbýnaly «KT Asia Investment Group B.V.» (KT Asia) kompanııasynyń talap-aryzy boıynsha Qazaqstan Respýblıkasynyń paıdasyna sheshim shyǵardy.
Talaptardyń somasy 1,5 mıllıard AQSh dollar shamasynda boldy. Osy tórelik talqylaý 2009 jyly IDRHO Konventsııasy jáne Qazaqstan Respýblıkasy men Nıderland Koroldigi arasyndaǵy Investıtsııalardy kótermeleý jáne ózara qorǵaý týraly kelisimniń sharttary negizinde bastaldy.
«KT Asia» kompanııasy Nıderlandta tirkelgen jáne Muhtar Áblıazovtiń formaldi túrde áreket etetin jáne naqty kommertsııalyq qyzmetti júzege asyrmaıtyn fırmasy bolyp tabylady. Talapker Respýblıkanyń oǵan formaldi tıesili BTA Bank AQ-da mınorıtarly aktsııalar paketin múmkin ult menshigine alǵanyn málimdedi.
Qazaqstanǵa qarsy tórelik talqylaý tolyǵymen Muhtar Áblıazovpen qarjylandyryldy. Qyzmetiniń ýaqyty ishinde «KT Asia» kompanııasy BTA Bankiniń aktsııalaryn jáne ákimshilik shyǵyndardy óteý úshin qarajattary bar bank shotyn ǵana ıelendi, talapkerdiń basqa aktıvteri bolmady.
«Qazaqstan Respýblıkasy «KT Asia» kompanııasy aktıvterdi bireýinen basqasyna ótkizý úshin qyrnaýlar retinde paıdalanylǵan Áblıazovtiń birqatar kompanııalar tobyna kirgenin pash ete aldy. Trıbýnal BTA Banktiń Áblıazovke qarsy talap-aryzy boıynsha onyń júzdegen kompanııalaryn tizimdeıtin aktıvterdi shekteý týraly aǵylshyn sotynyń sot sheshimi osyndaı tájirıbeniń aýqymyn kórsetetindigin belgiledi», - delingen habarlamada.
Sonymen qatar, «KT Asia» kompanııasy BTA Banktiń aktsııalaryn naryq qunynan jeti ese kem baǵasyna Áblıazovke tıesili bolǵan eki satýshy-kompanııalardan alǵan qaryz esebinen satyp aldy. Qaryz somasy jáne ol boıynsha paıyzdar tólenbeı qaldy. Onyń ornynan qaryz esepten shyǵarylyp, «KT Asia» kompanııasynyń qaryzynan arylý maqsatymen osy eki kompanııa taratyldy.
Talqylaý barysynda Qazaqstan Respýblıkasy Áblıazov BTA Banktiń aktsııalaryn óz kompanııalardyń arasynda bólý arqyly birneshe jyldardyń ishinde Qazaqstan Respýblıkasynyń zańnamasyn qasaqana buzǵanyn kórsetti. Sóıtip talqylaý sheginde Áblıazov BTA Bank aktsııalarynyń 75,18% ár túrli ıýrısdıktsııalarda qurylǵan birqatar bólek kompanııalar arqyly ıelengenin málimdedi. Ár osyndaı kompanııa BTA Banktiń aktsııalarynyń 10% kemisin ıelendi. Degenmen, Qazaqstan Respýblıkasynyń zańnamasyna sáıkes quzyretti organnyń jazbasha kelisimin almastan tulǵa banktiń ornalastyrylǵan aktsııalarynyń on nemese odan astam protsentin tikeleı nemese janama ıelene almaıdy. Alaıda, Áblıazov tıisti kelisim almaýmen qatar memlekettik organdardan BTA Banktiń iri qatysýshy ekendigin ádeıilep jasyrdy.
Óz sheshiminde tórelik trıbýnal «KT Asia» kompanııasy ınvestıtsııalardy ıelenbegenin jáne BTA Bankke úles qospaǵany týraly Qazaqstan Respýblıkasynyń ustanymymen kelisti. Osylaısha, «KT Asia» kompanııasy jáne Qazaqstan Respýblıkasy arasynda ınvestıtsııalyq daýdyń joq bolýyna baılanysty, Trıbýnal talapkerdiń talaptaryn qaraý boıynsha ıýrısdıktsııasynyń joq ekendigin moıyndady jáne osy talap-aryzdy qaraýdy toqtatty.
Osy tórelik talqylaý boıynsha Qazaqstan Respýblıkasynyń múdderelin kórsetý jáne qorǵaý boıynsha jumysty Qazaqstan Respýblıkasy Ádilet mınıstrligi úılestirdi.
