Qazaqstan Lıýksembýrgpen qosarlanǵan salyq salýdy boldyrmaý týraly hattamany ratıfıkatsııalady
NUR-SULTAN. QazAqparat - Búgin Senatta «Qazaqstan Respýblıkasynyń Úkimeti men Lıýksembýrg Uly Gertsogtiginiń Úkimeti arasyndaǵy Tabys pen kapıtalǵa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konventsııaǵa tolyqtyrý engizý týraly hattamany ratıfıkatsııalaý týraly» Qazaqstan Respýblıkasy Zańy qabyldandy, dep habarlaıdy QazAqparat tilshisi.
«2012 jylǵy 3 mamyrda Lıýksembýrgte qol qoıylǵan Hattamamen engizilgen ózgeristerdi eskere otyryp, 2008 jylǵy 26 maýsymda Astanada qol qoıylǵan «Qazaqstan Respýblıkasynyń Úkimeti men Lıýksembýrg Uly Gertsogtiginiń Úkimeti arasyndaǵy Tabys pen kapıtalǵa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konventsııaǵa tolyqtyrý engizý týraly hattamany ratıfıkatsııalaý týraly» Qazaqstan Respýblıkasy Zańynyń jobasy qaralýymyzǵa engizilip otyr. Atalǵan hattama 2019 jylǵy 14 qazanda Nur-Sultanda jáne Lıýksembýrgte jasalǵan. Qoldanystaǵy Konventsııaǵa tolyqtyrý engizý dıvıdentterdi olar memlekettik ıelik etýmen baılanysty bolǵan kezde salyq alýdan bosatý arqyly el bıýdjetiniń múddelerin qorǵaý qajettiginen týyndap otyr. Nátıjesinde dıvıdentterdiń is júzindegi ıesi Úkimet nemese ortalyq ne jergilikti bılik organy, Ortalyq (Ulttyq) bank nemese Úkimetke tolyǵymen tıesili kez kelgen basqa mekeme bolyp tabylǵan jaǵdaıda, kiris kózi memleketinde dıvıdentterdi salyq salýdan bosatý kózdeledi«, - dedi otyrysta atalǵan másele boıynsha baıandama jasaǵan senator Ǵumar Dúısembaev.
Onyń aıtýynsha, «Qazaqstan Respýblıkasynyń halyqaralyq sharttary týraly» Qazaqstan Respýblıkasy Zańy 27-babynyń 4-tarmaǵyna sáıkes Hattama ratıfıkatsııalanýǵa jatady. Zań jobasy jumys tobynyń jáne komıtettiń otyrystarynda jan-jaqty qaraldy. Senattyń barlyq komıtetteri zań jobasy boıynsha ózderiniń oń qorytyndylaryn berdi.
«Baıandalǵandy eskere kele, Qarjy jáne bıýdjet komıteti, Qazaqstan Respýblıkasy Konstıtýtsııasy 61-babynyń 4-tarmaǵyna sáıkes «2012 jylǵy 3 mamyrda Lıýksembýrgte qol qoıylǵan Hattamamen engizilgen ózgeristerdi eskere otyryp, 2008 jylǵy 26 maýsymda Astanada qol qoıylǵan Qazaqstan Respýblıkasynyń Úkimeti men Lıýksembýrg Uly Gertsogtiginiń Úkimeti arasyndaǵy Tabys pen kapıtalǵa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konventsııaǵa tolyqtyrý engizý týraly hattamany ratıfıkatsııalaý týraly» Qazaqstan Respýblıkasy Zańyn qabyldaýdy usynady«, - dedi Ǵ.Dúısembaev.
