Qazaqstan Lývr oqıǵasynan sabaq aldy ma — mınıstrlik mýzeıler kúzeti týraly

ASTANA. KAZINFORM — QR Іshki ister mınıstriniń orynbasary Sanjar Ádilov qazaqstandyq mýzeılerdegi qaýipsizdik sharalary týraly aıtyp berdi. 

Májilis kýlýarynda tilshiler bıyl qazan aıynda Lývr mýzeıinde bolǵan tonaý oqıǵasyn eske salyp, Qazaqstandaǵy mýzeılerdiń qalaı qorǵalatynyn surady.

— Ótken aptada Kúzet qyzmetin baqylaý departamenti tekserý júrgizip, mýzeılerdiń jaı-kúıin baǵalaǵan edi. Bul jumys bizdiń turaqty baqylaýymyzda. Bizde polıtsııa kúzetinde turǵan ulttyq jáne memlekettik mýzeılerdiń naqty tizbesi bar, sondaı-aq jergilikti atqarýshy organdardyń baqylaýynda birqatar mýzeı bar. Tekserýdi kelesi aptanyń sońyna deıin aıaqtap, Úkimet arqyly tıisti usynys engizemiz. Qorǵaýdy kúsheıtý qajet ekenin kórip otyrmyz jáne mýzeı múlkine qatysty zańsyz áreketterge jol bermeý úshin jergilikti atqarýshy organdarǵa usynymdar beremiz, — dedi Sanjar Ádilov.

Eske sala ketsek, Lývr mýzeıindegi tonaý 19 qazan kúni tańerteń bolǵan. Qylmyskerler jeti mınýt ishinde jalpy quny 88 mıllıon eýroǵa baǵalanatyn zergerlik buıymdar men asyl tastardy alyp ketken.

Bir aptadan keıin birneshe kúdikti ustaldy. Tonaýdan keıin mýzeı zaldarynyń shamamen úshten birinde beınebaqylaý kameralary bolmaǵany, al qoldanystaǵy dabyl júıesiniń iske qosylmaǵany belgili boldy.