Qazaqstan Londondaǵy «WTM-2017» halyqaralyq týrıstik kórmesine qatysty
WTM qyzmeti ártúrli elderdiń ulttyq kompanııalarynda, týroperatorlar men týragenttikterde, avıakompanııalarda, qonaq úı jelilerinde, saýda jáne týrıstik assotsıatsııalarda, bos ýaqytty jáne demalýdy uıymdastyrýshylardyń, jergilikti jáne aımaqtyq týrıstik keńesterdiń qyzmetterin usynady. Bul Ulybrıtanııanyń ǵana emes, sonymen qatar halyqaralyq deńgeıde týrızm salasynda mamandarǵa arnalǵan eń tanymal jáne aýqymdy kórmelerdiń biri.
Bıylǵy jyly Qazaqstan Respýblıkasynyń Ulttyq stendi uıymdastyrýshylary Qazaqstan Respýblıkasy Mádenıet jáne sport mınıstrliginiń Týrızm ındýstrııasy komıteti QR Syrtqy saýda palatasymen birlesip uıymdastyryp otyr. Pavılonnyń jumysyna oblystyń týrızm basqarmalarynyń ókilderi, Qazaqstannyń jetekshi týrıstik jáne ulttyq kompanııalary qatysty.
Qazaqstan delegatsııasynyń jetekshisi «Qazaq týrızmi» ulttyq kompanııasy» AQ basqarma tóraǵasynyń keńesshisi Gúlnar Keńeeva Búkilálemdik týrıstik uıymnyń «Selling the Silk Road: unite and conquer» atty semınaryna qatysyp, álemdegi jetekshi buqaralyq aqparat quraldarynyń BBC, National Geographic, CNN basshylarymen týrıstik jobalaryn talqylady.
Eske sala keteıik, «World Travel Market» (WTM) álemdik jármeńkesi jyl saıyn 1980 jyldan beri ótkizilip keledi. 2016 jyly kórmege týrızm salasynda 51 myńnan astam maman qatysty. Kórmeniń qorytyndysy boıynsha WTM London 2016 qatysýshylary stendterinde 865 myńnan astam iskerlik baılanystar ornatylǵan, jalpy somasy 2,5 mlrd. fýnt sterlıngke mámile jasaǵan.
